Komuna e Obiliqit ka njoftuar se, për shkak të zhvillimit të punimeve në kuadër të projektit të kogjenerimit dhe realizimit të punimeve për asfaltimin dhe renovimin e rrugës “Ferid Curri” në Obiliq, do të bëhet mbyllja e përkohshme e qarkullimit për automjete në një segment rrugor.

“Bllokimi i qarkullimit do të realizohet në këtë periudhë kohore: 13 mars 2026 – fillimi i mbylljes së rrugës, 14 mars 2026 deri në ora 12:00 – përfundimi i punimeve dhe rihapja e rrugës për qarkullim” thuhet në njoftim.

Është paralajmëruar se gjatë kësaj periudhe, qarkullimi i automjeteve në këtë segment rrugor do të jetë i ndaluar përkohësisht.

“Qytetarët dhe drejtuesit e automjeteve luten të përdorin rrugët alternative, sipas orientimit të paraqitur në hartë dhe sinjalizimit të vendosur në terren.

Kërkojmë mirëkuptimin e banorëve dhe të gjithë pjesëmarrësve në komunikacion për këtë ndërhyrje të përkohshme, e cila realizohet me qëllim të përmirësimit të infrastrukturës rrugore dhe kushteve të qarkullimit në këtë zonë” thuhet në njoftimin e Komunës.